Məxfilik siyasəti

1. Ümumi müddəalar

Bu Məxfilik Siyasəti Gala Akademiya tərəfindən sayt vasitəsilə toplanan şəxsi məlumatların hansı məqsədlə və necə emal olunduğunu izah edir. Akademiya Azərbaycan Respublikasının «Şəxsi məlumatlar haqqında» Qanununa uyğun fəaliyyət göstərir.

2. Hansı məlumatları toplayırıq

• Ad, soyad, doğum tarixi, e-poçt, telefon nömrəsi, şəhər
• Təhsil səviyyəsi və iş təcrübəsi haqqında məlumat
• Müraciət mətni və motivasiya
• Təhsil dövründə: davamiyyət, imtahan nəticələri, tapşırıq işləri
• Təcrübə dövründə: rəhbərin qiymətləndirməsi və referanslar
• IP ünvanı, brauzer və cihaz məlumatı

3. Məlumatları niyə emal edirik

• Müraciətinizi qiymətləndirmək və sizinlə əlaqə saxlamaq
• Təhsil prosesini idarə etmək
• Diplom vermək və onun etibarlılığını təsdiqləmək
• Sizi işəgötürənlərə referansla təqdim etmək
• Qanunla tələb olunan öhdəlikləri yerinə yetirmək

4. Diplom yoxlama sistemi — vacib qeyd

Diplom aldıqdan sonra sizin adınız, kursunuz, imtahan nəticələriniz, təcrübə məlumatınız və referanslarınız diplom kodu ilə açıq şəkildə görünə bilər. Bu, diplomun əsas dəyəridir — işəgötürən sənədin həqiqiliyini yoxlaya bilir.

Hansı bölmələrin göstəriləcəyini nəzarətdə saxlayırıq: imtahan nəticələri, təcrübə və referanslar ayrı-ayrılıqda gizlədilə bilər. Yazılı müraciətinizlə istənilən bölməni gizlədə və ya diplomun yoxlama səhifəsini tam bağlaya bilərsiniz.

Diplom kodu təsadüfi hərflərdən ibarətdir — ardıcıl kod sınamaqla başqasının məlumatına baxmaq mümkün deyil. Hər yoxlama qeydə alınır.

5. Kimlərlə paylaşırıq

• Təcrübə şirkəti — təcrübə dövründə adınız və əlaqə məlumatınız
• İşəgötürənlər — yalnız sizin razılığınızla və referans formasında
• Gala Group şirkətləri — vakansiya olduqda

Şəxsi məlumatlarınızı satmırıq və marketinq məqsədilə üçüncü tərəflərə vermirik.

6. Saxlanma müddəti

Qəbul olunmayan müraciətlər 2 il saxlanılır. Tələbə və məzun məlumatları diplomun etibarlılığını təsdiqləmək üçün müddətsiz saxlanılır.

7. Hüquqlarınız

• Sizin haqqınızda saxlanan məlumatı öyrənmək
• Səhv məlumatın düzəldilməsini tələb etmək
• Diplom səhifəsində göstərilən bölmələri məhdudlaşdırmaq
• Məlumatın silinməsini tələb etmək
• Razılığı geri götürmək

Bunun üçün info@galaakademiya.az ünvanına yazın. Müraciətə 30 gün ərzində cavab veririk.

8. Əlaqə

info@galaakademiya.az
Gala İş Mərkəzi, Süleyman Rəhimov küç. 188, Bakı, Azərbaycan